На 15 август 2025 година, во раните утрински часови, полицијата во Скопје примила пријава за пронајдено починато лице во хотел на подрачјето на Бит Пазар. Според информациите, станува збор за 44-годишниот А.З. од Република Турција.
По пристигнувањето на лекар од Итна медицинска помош, констатирана е смрт без видливи знаци на насилство. Полицијата веднаш започнала со истрага, а увидна екипа од СВР Скопје извршила проверка на местото на настанот.
По наредба на јавен обвинител, телото на починатиот е предадено за обдукција, со цел да се утврдат причините за смртта. Случајот продолжува да се истражува.
